აშშ ვიზის განაცხადის გზამკვლევი საქართველოს მოქალაქეებისთვის
გეგმავთ ამერიკის შეერთებულ შტატებში მოგზაურობას ტურისტულად, საქმიანი ვიზიტით, სასწავლებლად ან სხვა მიზნით? Visa Expert გთავაზობთ სრულ გზამკვლევს, რომელიც დაგეხმარებათ აშშ-ს ვიზის განაცხადის სწორედ და წარმატებით შევსებაში.
- განსაზღვრეთ, რომელი ტიპის აშშ ვიზა გჭირდებათ
ვიზის ტიპი დამოკიდებულია თქვენი ვიზიტის მიზანზე. ყველაზე გავრცელებული ვარიანტებია:
- B1/B2 ვიზიტორის ვიზა – ტურისტული, ოჯახის მონახულება ან საქმიანი ვიზიტი
- F1 სტუდენტის ვიზა – სწავლის გაგრძელება ამერიკაში
- J1 გაცვლითი ვიზა – სტაჟირება, work-and-travel პროგრამები
- H1B სამუშაო ვიზა – კვალიფიციური დასაქმებისთვის (დამსაქმებლის მოწვევით)
საქართველოს მოქალაქეებისთვის ყველაზე ხშირად მოთხოვნადია B1/B2 ვიზა.
- შეავსეთ DS-160 ონლაინ განაცხადი
DS-160 არის ოფიციალური ონლაინ განაცხადი ვიზისთვის. ნაბიჯები შემდეგია:
- შედით ვებგვერდზე:https://state.gov/ceac/
- შეიყვანეთ პირადი ინფორმაცია, მოგზაურობის დეტალები, დასაქმების ისტორია, და წარსული მოგზაურობები
- ატვირთეთ ბოლოდროინდელი ფოტო
- განაცხადის ბოლოს შეინახეთ დასტურის გვერდი (ბარკოდით)
რჩევა: შეავსეთ განაცხადი ყურადღებით და ზუსტად — მცირე შეცდომაც კი შეიძლება უარის მიზეზი გახდეს.
- გადაიხადეთ საკონსულო მოსაკრებელი
- B1/B2 ვიზის საკონსულო მოსაკრებელია 185 აშშ დოლარი
- გადახდა უნდა განხორციელდეს საქართველოს ბანკში ინვოისის საფუძველზე
- გადახდის შემდეგ შეინახეთ ქვითარი, რომელიც დაგჭირდებათ გასაუბრების დასაჯავშნად
- დაჯავშნეთ გასაუბრება აშშ–ის საელჩოში
DS-160-ის შევსების და მოსაკრებლის გადახდის შემდეგ:
- შედით ვებგვერდზე: https://shorturl.at/Sjevm
- შექმენით ანგარიში
- აირჩიეთ გასაუბრების თარიღი აშშ-ის საელჩოში, თბილისში
- დაბეჭდეთ გასაუბრების დაჯავშნის დასტური
- მოამზადეთ აუცილებელი დოკუმენტები
გასაუბრებისთვის უნდა გქონდეთ შემდეგი დოკუმენტები:
- DS-160-ის შევსების დასტურის გვერდი
- გასაუბრების დაჯავშნის დასტურის გვერდი
- მოქმედი პასპორტი (მოგზაურობის შემდეგ მინიმუმ 6 თვე ვადით ვალიდური)
ვიზის მოსაკრებლის გადახდის ქვითარი
- მოგზაურობის გეგმა ან სასტუმროს დაჯავშნა
- კავშირი საქართველოსთან (სამსახურის ცნობა, ოჯახური მდგომარეობის შესახებ დამადასტურებელი დოკუმენტები, როგორიცაა ქორწინების მოწმობა და არასრულწლოვანი ბავშვების დაბადების მოწმობები)
- ბანკის ამონაწერი ან ფინანსური უზრუნველყოფა
- Მოწვევის წერილი (ასეთის არსებობის შემთხვევაში)
- გასაუბრება აშშ–ს საკონსულოში
გასაუბრებაზე კონსული დაგისვამთ კითხვებს, როგორებიცაა:
- თქვენი მოგზაურობის მიზანი
- Რა პერიოდით და სად აპირებთ მოგზაურობას
- ვინ აფინანსებს მოგზაურობას
- რა საქმიანობით ხართ დაკავებული საქართველოში
გასაუბრება, როგორც წესი, რამდენიმე წუთს გრძელდება — უპასუხეთ თავდაჯერებულად და ზუსტად.
- დაელოდეთ ვიზის გადაწყვეტილებას